အသင်းအကြောင်း

၁ နိဒါန်း

ပြည်ထောင်စုသမ္မတမြန်မာနိုင်ငံ၏ ဂီတနှင့်ပတ်သက်၍ မိမိတို့ကျွမ်းကျင်ရာ တေးသီချင်းများအား ထုတ်လုပ်ဖြန့်ဖြူးခြင်းဖြင့် နိုင်ငံတော်၏အကျိုးကို တစ်ဖက်တစ်လမ်းမှ ပံ့ပိုးဆောင်ရွက်နေကြသူများ ဖြစ်ကြပါသည်။

ထိုသို့ ပံ့ပိုးဆောင်ရွက်နေသော တေးသီချင်းမူပိုင်ထုတ်လုပ်သူများသည် ငွေကြေးအရင်းအနှီး စိုက်ထုတ်၍သော်လည်းကောင်း၊ စီစဉ်ဖန်တီးမှုအနုပညာများဖြင့် ဝါယမစိုက်ထုတ်၍သော်လည်းကောင်း ပံ့ပိုးဆောင်ရွက်နေသူများဖြစ်ကြပါသည်။

ထိုသို့ ပံ့ပိုးမှုကြောင့် ပြည်ထောင်စုမပြိုကွဲရေးနှင့် တိုင်းရင်းသားချစ်ကြည်ရေး၊ ပြည်သူများ၏ အသိအမြင်အတွေးအခေါ် ကျယ်ပြန့်ရေးနှင့် အမျိုးသားရေးယဉ်ကျေးမှုဘဝတိုးတက်စေရေးတို့တွင် အထောက်အကူပြုခဲ့ပါသည်။

၂ ရည်ရွယ်ချက်

ခေတ်အဆက်ဆက်တွင် ဂီတလောကသားများ၏ အကျိုးစီးပွားကို ကာကွယ်စောင့်ရှောက်ရန်နှင့် ဂီတလောကသားများ၏ ရေရှည်အကျိုးစီးပွားကို ရည်ရွယ်၍ ဖွဲ့စည်းထားခြင်း ဖြစ်ပါသည်။ မြန်မာ့ဂီတလုပ်ငန်းစဉ်များအားလုံး စည်းစနစ်ကျစွာ ခေတ်မီတိုးတက်စေရန်နှင့် နိုင်ငံတကာ ဂီတကွန်ရက်များနှင့် ချိတ်ဆက်ဆောင်ရွက်ရန် ဖြစ်ပါသည်။

1. က အဖွဲ့ဝင်များ၏ မူပိုင်ခွင့်များကို ပြည်တွင်းသာမက ပြည်ပတွင်ပါ မူပိုင်ခွင့်ပိုင်ရှင်များကိုယ်စား စနစ်တကျနှင့် ကာကွယ်စီမံခန့်ခွဲပေးရန်။
2. ခ မူပိုင်ခွင့်ရှိသူများ၊ ဆက်စပ်မူပိုင်ခွင့် အခွင့်အရေးရှိသူများအကျိုးအတွက် စီမံခန့်ခွဲပေးရန်။
3. ဂ မူပိုင်ခွင့်များအား မူပိုင်ခွင့်ပိုင်ရှင်များကိုယ်စား မူပိုင်ခများ ကောက်ခံခြင်း၊ ဖြန့်ဝေခြင်းများအား စီမံဆောင်ရွက်ရန်နှင့် ပြည်တွင်းပြည်ပရှိ CMO များနှင့် ပူးပေါင်းဆောင်ရွက်ရန်။
4. ဃ အကျိုးအမြတ်မယူသော အဖွဲ့အစည်းအဖြစ် ဆောင်ရွက်ရန်။

၃ လုပ်ငန်းစဉ်

1. က နိုင်ငံတော်၏ ဦးဆောင်လမ်းညွှန်မှုဖြင့်ပြုလုပ်သော အမျိုးသားလုပ်ရှားမှုများတွင် ဂီတပညာရှင်များ၏ ပါဝင်စည်းမျှမှုကို ယူရယူ၍ ပြည်သူများနှင့်တသားတည်း အတူလက်တွဲပါဝင် ဆောင်ရွက်ရန်။
2. ခ အမျိုးသားယဉ်ကျေးမှု ထိန်းသိမ်းစောင့်ရှောက်ရေးနှင့် အမျိုးသားစည်းလုံးညီညွတ်ရေး လုပ်ငန်းများတွင် တေးဂီတမူပိုင်ခွင့်နှင့် ဆက်နွယ်သောလုပ်ငန်းများဖြင့် ပါဝင်ကူညီပေးရန်။
3. ဂ တေးဂီတအနုပညာရှင်များ အတတ်ပညာရှင်များအတူ တေးဂီတထုတ်လုပ်သူများ၏ မူပိုင်ခွင့်၊ ပိုင်ဆိုင်ခွင့်နှင့် တရားဝင် ရသင့်ရထိုက်သည့် အခွင့်အရေးများကို တည်ဆဲဥပဒေများနှင့်အညီ ကူညီဆောင်ရွက် အကောင်အထည်ဖော်ရန်။
4. ဃ ဂီတလောကသားများအားလုံး၏ သာရေး၊ နာရေးနှင့် လူမှုရေးကိစ္စတို့တွင် ကူညီပါဝင် ဆောင်ရွက်ပေးရန်နှင့် ဂီတလောကဖွံ့ဖြိုးတိုးတက်လာစေရေးအတွက် တေးဂီတသင်တန်းများ၊ ဟောပြောပွဲများကို ပြည်တွင်းပြည်ပ အနုပညာရှင်များနှင့် အခါအားလျော်စွာ ပူးပေါင်းကျင်းပဆောင်ရွက်ရန်။
5. င သက်ဆိုင်ရာအစိုးရအဖွဲ့အစည်းများ၊ အနုပညာဆိုင်ရာ အဖွဲ့အစည်းများနှင့် ပူးပေါင်းဆောင်ရွက်ရန်။

၄ အမည်၊ တံဆိပ်၊ တည်နေရာနှင့် ဆောင်ပုဒ်

အမည် (မြန်မာ)

မြန်မာနိုင်ငံတေးသီချင်းမူပိုင်ထုတ်လုပ်သူများအသင်း

အမည် (အင်္ဂလိပ်)

Myanmar Music Content Organization

အတိုကောက်

MMCO

ဆောင်ပုဒ်

ဂီတမြင့်မား ပြည့်အင်အား

တည်နေရာ

10-01, Crystal Tower, ကြည့်တော်လမ်း၊ ကမာရွတ်မြို့နယ်၊ ရန်ကုန်တိုင်းဒေသကြီး

တံဆိပ်အမှတ်အသား၏ အဓိပ္ပာယ်မှာ — ဓာတ်ပြားသည် တေးထုတ်လုပ်သူများ၏ သီချင်းများ ထုတ်လုပ်ခြင်းစတင်မှမှ ယနေ့ခေတ်ကာလအထိ ရေရှည်သုံးစွဲနေရသည့် ပစ္စည်းတစ်ခုဖြစ်ကြောင်း၊ မည်သူမျှ မငြင်းနိုင်သော ရုပ်ဝတ္ထုတစ်ခုဖြစ်ပြီး ဖန်တီးထားသောတေးသီချင်းများအား ရေရှည်တည်တံ့ခိုင်မြဲအောင် လက်ဆင့်ကမ်း သယ်ယူပေးခဲ့သော အရာဝတ္ထုတစ်ခုဖြစ်သည့် အဓိပ္ပာယ်ကို ဖော်ဆောင်သည်။